السلام عليكم
هذي اول تدوينه لنا و اللي اهي عن البقالة الاسيوية اللي بالخبر
" المركز الاسيوي التجاري "
" المركز الاسيوي التجاري "
الله يسلمكم كنا نحلم ببقالة تبيع المتنجات الكوريه بس للاسف ان البقالة ماكانت موجوده الا بالرياض و بعد بحث لقينا في جده
ويوم من الايام كنت اشوف الانستقرام الا و فجأه اشوف وحده تقول بقالة في الخبر انا هنا جاتني صدمه عاطفيه و اروح ركض حق مينوما و ابشرها ان لقيت بقالة و نشبنا في الادميه نشبه و دلينا البقالة و قررنا ان احنا نروح مع ابو مينوما و قال لنا خلاص الصبح .. احنا عادي اهم شي نروح سوينا تضحيه بالنوم كان انجاز و بطوله منا
المهم جا اليوم الموعود و من الحماس قعدنا بروحنا بكير و طلعنا وين موقعها و ركبنا السياره و سرينا و احنا خيالات عليها
ووصلنا الى وجهتنا البقاله اسمها المركز الاسيوي التجاري و لوحتها لونها احمر
و اول ماشفنا هالمواصفات قمنا نصارخ هذا اهي هذا اهي و نزلنا بكل حماس و مجهزين الجوال حق التصوير ووقفنا عند الباب كأن الاسم شوي مختلف "المركز الاسيوي للأغذيه" اذا ماكنت غلطانه و المكتوب بس صيني في اللوحه قلنا لا اكيد اهي ذي
و دخلنا القاله فااااااااااااااااضضضضضضيه حدهاااااااا وين الاشيا الموجوده في الصوره مافي شي بس رفوف دار مادار البقاله سألته في جاجاميونغ في رامن لاني ماشفت شي اهو ماعرف الا و فجأه نكتشف ان احنا دخلنا البقاله الغلط ذي بقاله صينيه تبيع منتجات عضويه تحطمنا و صرنا في احوال بس اللي يبيع هون علينا كان صيني جيد و شرينا كم شي و طلعنا الا شفنا الساعه قريب وقت الصلاة و احنا نبي نروح البقاله قال بيعوضنا و بيودينا بقاله فلبينيه لان مافي وقت و احنا الدموع ع طريف دخلنا البقاله زحمممممه و عصب علينا و قال طلعو ماتندخل بس عن نفسنا شرينا كم شي و هجينا شافنا مكسورين الخاطر قال بيفر فينا في هالمنطقه و اول مامشينا لمحنا لوحه نفس اللي في الصوره و رجعت لنا الحياة و نصارخ هذا اهي متأكدين
هذي اللوحة مالت البقالة و نزلنا بسرعه عن الوقت الضيق
و هذا المدخل <3
طبعا اول مادخلنا حسينا روحنا في حلم كأن احنا مسافرين كوريا مب قادرين نمشي عدل حسينا رجولنا تطير من الفرح XD
و اول مادخلنا استقبلونا الاشياء الجميله
رامنوات
و هنا تكمله بسيطه حق الرامن و الباقي مادري شهم و اللي في العلبه البرتقاليه عصيده
هنا كاري و نودلز "المكرونة الفاضيه" XD وصلصات
صراحه يوم شفتها حسيت اني شايفتها فيس تو فيس XD
هنا صلصات و خل
و هنا الثلاجه في الفجل الاصفر اللي ياكلونه مع الجاجاميونغ و كيمتشي و المعجونات
و هذا الاشيا المجمده كعك السمك و عجينة الماندو و دكبوكي و اشيا ثانيه
و بهنا نختم رحلة البقالة طبعا اهي مب كبيره ولا صورت كل شي من الحماس"^^
و هذا المشتريات من البقالات الثلاث
البقالة الاسيوية
جاجاميونغ .. كيمتشي .. معجون فول الصويا .. النودلز مال الجاجاميونغ .. شراب الذره الحلوة
المهم من الحماس نسيت الوصف .. شارع الامير سعد بن عبدالعزيز التقاطع الرابع الخبر الشماليه بتشوفونها زاويه
ادري طولت بس الحماس خلاني اكتب قصة حياتنا XD
